Birləşmiş Krallıq – həm təhsil, həm də iş üçün ən cəlbedici məkanlardan biridir. Heç kimə gizli deyil ki, Böyük Britaniyada Oksford və Kembric kimi nəhəng adları olan, dünyanın ən yaxşı universitetləri var və sadəcə bu fakt, Böyük Britaniyada təhsil almaq üçün səbəbdir. Statistikaya görə, Böyük Britaniya, beynəlxalq tələbələr üçün dünyanın ikinci ən məşhur məkanıdır və London dünyanın tələbələr üçün ən yaxşı şəhəri hesab olunur.
Birləşmiş Krallıqda təhsil alan zaman biliklərinizi genişləndirmək, yeni mədəniyyətlər və yeni insanlar ilə tanış olmaq imkanı əldə edəcəksiniz. Siz mükəmməl tələbə həyatını yaşamaq üçün unikal şans ilə bərabər, universitetinizin saysız-hesabsız üstünlüklərini əldə edəcəksiniz.
Əsas üstünlük ondan ibarətdir ki, siz, 25 ixtisas fənni üzrə 50.000-dən çox təhsil kursu seçə bilərsiniz.
Birləşmiş Krallığın təhsilin keyfiyyəti sarıdan bəxti gətirib və ali təhsil üzrə dünyada öz ən aparıcı mövqeyini qoruyub saxlayır. Birləşmiş Krallıq ən yüksək ixtisaslı müəllimlərlə yanaşı, birinci dərəcəli infrastruktur və mükəmməl elmi araşdırma obyektləri ilə də təchiz olunub.
Beynəlxalq tələbələr üçün təhsil haqları, Birləşmiş Krallıqda həm özəl, həm də dövlət universitetlərində bakalavr dərəcələrindən asılı olaraq, adətən illik 7,000 - 40,000 Avro civarında dəyişir.