İnsanlar xaricdə təhsil təcrübəsi üçün Kanadanı seçir və bunun bir çox səbəbi var. Əvvəla, Kanadada qazanılan ixtisaslar dünyanın hər bir yerində yüksək qiymətləndirilir. Daha sonra, burada əlverişli şərtlərlə təhsil, özündə çoxmədəniyyətli cəmiyyəti birləşdirən sağlam və təhlükəsiz icmalar, geniş və ən müasir elmi-tədqiqat imkanları, habelə immiqrasiya imkanı var. Kanada tələbələrə möhtəşəm həyat tərzi və keyfiyyətli təhsil təklif edən, gözəlliyi və müxtəlifliyi ilə seçilən bir ölkədir. Beləliklə, tələbələr, təhsildən sonra dünyanın ən cəlbedici məkanlarında işləməyə davam edə bilərlər.
Digər xarici ölkələrlə müqayisədə, Kanadada universitetlər və təhsil ocaqları kifayət qədər münasib təhsil haqları və məqsədyönlü qiymət siyasətlərinə malikdirlər. Öz təhsil xərclərini azaltmaq üçün tələbələr bir sıra təqaüd proqramları üçün də müraciət edə bilərlər.
Kanadada yerləşən kolleclər tələbələrə təhsil aldıqları müddətdə işləmək imkanı verirlər. Beləliklə, tələbələr təhsillə yanaşı, onlara əmək bazarında əlavə üstünlük verə bilən iş əldə edə bilərlər.
Kanadada beynəlxalq tələbələr üçün bütün dünyada sayılıb-seçilən, beynəlxalq səviyyədə təhsil təklif edən bir çox universitet var.
Beynəlxalq tələbələr üçün təhsil haqları, proqramın tipindən və ixtisas sahəsindən asılı olaraq, adətən illik $15,000 - $55,000 ABŞ dolları civarında dəyişir.