Kifayət qədər uzaq məsafədə yerləşən ABŞ, dünyanın bütün əcnəbi tələbələrinin 30%-dən çoxunu qəbul edərək, xarici tələbələr üçün ən populyar ölkə olaraq qalır.
ABŞ-da təhsilin bu qədər cəlbedici olması üç təməl prinsipinə söykənir: mükəmməlliyə can atmaq, seçim azadlığı və cəlbedici mədəniyyət. ABŞ daim ən yüksək standartlara cavab verən təhsil təklif edir. Harvard Universiteti, bir qayda olaraq, dünyanın ən aparıcı reytinq cədvəllərinə başçılıq edir və onun tutduğu pillədən sonra, siyahılarda ABŞ-ın digər kollecləri üstünlük təşkil edir.
ABŞ-da təhsil aldığınız zaman, siz, dünyanın digər ən inkişaf etmiş ölkələri ilə müqayisədə, ali təhsil variantlarının müxtəlifliyindən istifadə edə bilərsiniz. ABŞ-ın təhsil sisteminə uyğun olaraq, bir çox universitetlər, öz kurslarını xüsusi olaraq xarici tələbələr üçün dəyişmək və tənzimləmək imkanına malikdirlər.
Amerikada, iki il təhsil alandan sonra, eyni fakültədə, universiteti dəyişə bilərsiniz və bu, qəbul olunmuş normal təcrübə sayılır. Bu sistem, öz təhsil kreditlərinizi daha yüksək reytinqli təhsil ocağına transfer etmək məqsədi ilə lazım olan çeviklik imkanını təmin edir.
Amerika universitetlərində təhsil alan zaman sənayenin ən tanınmış adları ilə qarşılıqlı fəaliyyət qurmaq üçün maksimal imkanlar olur. Bu isə öz növbəsində ABŞ-da peşəkar karyeranızı davam etdirmək üçün praktiki təcrübə əldə edən zaman, əhəmiyyətli bir imkan olacaq.
Amerika universitetləri Nobel mükafatı laureatları almış məzunların sayına görə dünya liderləri sayılır. Belə ki, 2015-ci ildən 2019-cu ilə qədər, 50 nəfər Nobel mükafatı ilə təltif olunmuşdur ki, onların da 28-i ABŞ universitetlərinin payına düşür.
Beynəlxalq tələbələr üçün təhsil haqları, proqramın tipindən və ixtisas sahəsindən asılı olaraq, adətən illik $15,000 - $25,000 ABŞ dolları civarında dəyişir.